Nick Jordan Ali Saumoo
- Publicité -
Nou tou diferan
Nou ena sakenn nou prop lekor
Nou ena sakenn nou prop lespri
Nou tou nou inik
Me souvan nou dir bann dimoun
Ki zot tro gro ou zot tro mins
Nou dir zot manz bokou
Ou mem fer enn rezim
San realize ki dimoun-la ena enn
mirwar kot li e li kone kouma li ete
Anou fer enn demars aksepte bann dimoun
kouma zot ete e non met bann etiket lor zot
laparans
Anou ankouraz zot pou sorti dan zot konplex
non pa pous zot pou konplexe
Defwa bann move komanter kav fer bann
dimoun dekouraze definitivman par zot fizik
Pran konsians nou tou nou inik
Nou tou ena nou prop bote
Ki to ena seve afro ouswa to seve drwat
Ki to gro ouswa to mins
Ki to blan ouswa to nwar
Nou tou nou enn bann morisien
Nou tou nou enn bann imin
E nou merit respe