Enn extre retravaye Tigann, traverse enn fam dan divan kontrer, premie roman
ekrir an kreol morisien standardize, prime par Creole Speaking Union an 2015. Isi, prolog finn vinn enn sante, enn poem, enn kri… lor enn ti ler Larivier Tanie:
« Samem sante ki mo papa ti abitie sant avek mwa kan nou zwe. Kan mama pa la, kan li al travay boner gramatin, papa lev mwa pou nou zwe »
Sa nou sekre sa
Nou tir nou linz nou zwe
Nou sante nou badine
Sa nou sekre ant nou de
Zwe dans silans
Laper lame bate
Sa nou sekre sa
Enn sekre mal garde
Desir leker Mama
Enn sekre destrikter
Sime drwat pou lanfer
Lanfer ouver so lebra
Akey Mama
Sa nou sekre sa
Kifer to pa leve pou zwe to zwe Papa ?
Mama fini ale
Lanfer finn akey li
Ki to pe zwe Papa, Père Laval?
Sa nou sekre sa
Lor enn ti ler Larivier Tanie